Election 2024 Election 2024

پاکستان
Time 27 جنوری ، 2023

عمران کو گرفتار کرنیکا ارادہ نہیں لیکن انکے بیانات سے لگتا ہے گرفتار ہوجانا چاہیے: رانا ثنا

انہیں ایک بار گرفتار ہوجانا چاہیے تاکہ ہم دیکھ ہی لیں کہ یہ کیا طوفان لانا چاہتے ہیں، فواد چوہدری کیخلاف ایف آئی آر سیکرٹری الیکشن کمیشن کی درخواست پر درج ہوئی: وزیر داخلہ— فوٹو: فائل
انہیں ایک بار گرفتار ہوجانا چاہیے تاکہ ہم دیکھ ہی لیں کہ یہ کیا طوفان لانا چاہتے ہیں، فواد چوہدری کیخلاف ایف آئی آر سیکرٹری الیکشن کمیشن کی درخواست پر درج ہوئی: وزیر داخلہ— فوٹو: فائل

وزیر داخلہ رانا ثنا اللہ نے کہا ہے کہ عمران خان کو گرفتار کرنے کا ارادہ نہیں ہے لیکن عمران خان کے  بیانات سے تو لگتا ہے کہ انہیں ایک بار گرفتار ہوجانا چاہیے تاکہ ہم دیکھ ہی لیں کہ یہ کیا طوفان لانا چاہتے ہیں۔

لندن میں میڈیا سے گفتگو کے دوران رانا ثنا اللہ نے کہا کہ فواد چوہدری کے خلاف ایف آئی آر  بالکل درست ہے، جن کو لگتا ہے کہ فواد چوہدری کی گرفتاری حکومتی انتقام ہے  وہ ایک بار جا کر ایف آئی آر دیکھ لیں انہیں پتہ چل جائے گا کہ مقدمہ الیکشن کمیشن کی طرف سے تھا۔ 

انہوں نے کہا کہ  کل پاکستان واپس جارہاہوں، آج نوازشریف سے میٹنگ ہے، نواز شریف سے ہدایات لے کر مریم نواز  کا یکم فروری سے پنجاب اور  کے پی کا دورہ شروع ہوگا، فواد چوہدری کیخلاف ایف آئی آر  سیکرٹری الیکشن کمیشن کی درخواست پر درج ہوئی۔ الیکشن کمیشن کےخلاف فواد چوہدری نے بات کی جس پر الیکشن کمیشن نے ایکشن لیا۔

انہوں نے کہا کہ اس وقت عمران نیازی کی گرفتاری کے حق میں نہیں لیکن جس قسم کی عمران نیازی گفتگو کر رہے ہیں میرا  ذہن بنتا ہے کہ انہیں گرفتار کرنا چاہیے۔

مزید خبریں :