بھارتی اداکار سیاسی ریلی میں دل کا دورہ پڑنے سے گر پڑے، اسپتال منتقل

بھارت کی تیلگو فلم انڈسٹری کے اداکار  نندا موری تراکا رتنا سیاسی ریلی میں دل کا دورہ پڑنے سے گرگئے۔

بھارتی میڈیا رپورٹس کے مطابق مشہور بھارتی فلم RRR کے  سپر اسٹار ننداموری تراکا رما راؤ جونیئر کے کزن اداکار  ننداموری تراکا رتنا کو جمعہ کو ضلع چھتور  میں ایک سیاسی ریلی میں دل کا دورہ پڑا۔

دل کا دورہ پڑنے کے باعث انہیں فوراً اسپتال منتقل کیا گیا، جہاں وہ آئی سی یو میں داخل ہیں۔ 

رپورٹس کے مطابق  ننداموری تراکا رتنا سابق وزیراعلیٰ نارا چندرا بابو کے بیٹے نارا لوکیش کی سیاسی ریلی کا حصہ تھے، ریلی کے  دوران وہ مندر گئے اور پھر دعا کے لیے مسجد میں بھی رکے، جیسے ہی وہ مسجد سے باہر نکل رہے تھے انہیں دل کا دورہ پڑا اور وہ زمین پر گر گئے۔

600 سے زائد فلموں میں اداکاری کرنے والے بھارتی اداکار انتقال کرگئے

78 سالہ اداکار طویل عرصے سے علیل بھی تھے

رپورٹس کے مطابق اداکار اب بھی آئی سی یو میں داخل ہیں، ڈاکٹروں کی جانب سے انہیں بنگلورو منتقل کرنے کا مشورہ دیا گیا ہے۔

39 سالہ اداکار ننداموری تراکا رتنا نے 2002 میں اپنے فلمی کیریئر کا آغاز کیا تھا۔