کھیل
Time 29 جنوری ، 2023

بابر کو وہ اعزاز ملا جو کوہلی، اسمتھ اور ولیمسن بھی حاصل نہ کر پائے: کامران

بابر اعظم کو وہ اعزاز ملا ہے جو بڑے بڑے کرکٹرز حاصل نہ کر سکے، ویرات کوہلی ، اسٹیو اسمتھ اور کین ولیمسن جیسے بیٹرز کو یہ اعزاز نہیں ملا : کامران اکمل__فوٹو: فائل
 بابر اعظم کو وہ اعزاز ملا ہے جو بڑے بڑے کرکٹرز حاصل نہ کر سکے، ویرات کوہلی ، اسٹیو اسمتھ اور کین ولیمسن جیسے بیٹرز کو یہ اعزاز نہیں ملا : کامران اکمل__فوٹو: فائل

پاکستان کے سابق وکٹ کیپر بیٹر کامران اکمل کا کہنا ہے کہ بابر اعظم کے کرکٹر آف دی ایئر  بننے کی خوشی ہو ئی ہے ، ان کی بیٹنگ صلاحیتیوں پر کسی کو شک نہیں ہے  لیکن کپتانی میں بہتری اور تبدیلی کی گنجائش ہے۔

لاہور میں میڈیا سے گفتگو کرتے ہو ئے کامران اکمل نے کہا کہ بابر اعظم کو وہ اعزاز ملا ہے جو بڑے بڑے کرکٹرز حاصل نہ کر سکے، ویرات کوہلی، اسٹیو اسمتھ اور کین ولیمسن جیسے بیٹرز کو یہ اعزاز نہیں ملا، بابر اعظم کا یہ ایک اعزاز ہے اوراس کو اب جتنا پروموٹ کیا جا سکے کرنا چاہیے۔

انہوں نے کہا کہ بابر اعظم اپنی پرفارمنس سے اسٹار بنے ہیں، ان کی بیٹنگ صلاحیتیوں پر کوئی شک نہیں لیکن بابر اعظم کی کپتانی سب کو دکھائی دے رہی ہے،کپتانی میں بہتری اور تبدیلی بھی ہونی چاہیے، بابر اعظم کو کپتان بنے اب تین سال ہو چکے ہیں، اب ڈیلیور کرنے کا وقت ہے، بابر اعظم کی کپتانی میں اعتماد نظر آنا چاہیے، باڈی لینگویج مضبوط ہونی چاہیے۔

کامران اکمل نے کہا کہ یہ ورلڈ کپ کا سال ہے، کپتانی میں جارحانہ انداز نظر آنا چاہیے، کچھ آؤٹ آف دی باکس ہونا چاہیے،گریم اسمتھ بھی جب کپتان بنے نوجوان تھے، ان کی طرح کپتانی ہونی چاہیے۔

فوٹو: جیو جیوز
فوٹو: جیو جیوز

کامران اکمل نے مزید کہا کہ پی ایس ایل میں ان کا سفر بڑا شاندار  رہا، پشاور زلمی نے بہت سپورٹ کیا، ایک وقت آتا ہے کہ جب آپ کو الگ ہونا پڑتا ہے، میرا بھی وقت آ گیا تھا لیکن میں پشاور زلمی کے ساتھ ہوں۔

کرکٹر نے کہا کہ پشاور زلمی میری فرنچائز رہی ہے، میری جب بھی ضرورت پڑی میں گراؤنڈ میں ضرور آؤں گا  لیکن اس وقت میں پی ایس ایل کی ٹیموں کا تجزیہ کروں گا۔

مزید خبریں :