03 فروری ، 2023 
کھیل
فوٹو: پاکستان بیس بال فیڈریشن
پاکستان نے فرینڈلی بیس بال میچ میں بھارت کو شکست دیدی
03 فروری ، 2023
اسلام آباد میں ہونے والے فرینڈلی بیس بال میچ میں پاکستان نے بھارت کو ایک کے مقابلے میں بارہ رنز سے شکست دے دی ، پاکستان کی جانب سے ذاکر، وسیم اور شہزاد نے شاندار کھیل کا مظاہرہ کیا۔
بھارتی بیس بال ٹیم ویسٹ ایشیا بیس بال چیمپئن شپ کیلئے اسلام آباد میں ہے ، جمعرات کو بھارت اور پاکستان کے درمیان فرینڈلی میچ کھیلا گیا ، سات اننگز پر مشتمل اس میچ میں پاکستان نے بارہ ۔ ایک سے کامیابی حاصل کی ۔
پاکستان کی جانب سے وسیم اکرم، ذاکر اور شہزاد احمد نے دو ، دو رنز کیے ، اکرام اللہ، محمد حسین، ناصر ملنگی، عبداللہ، محمد یونس اور حسین جونیئر نے ایک ایک رن بنایا ۔
بھارت کی جانب سے واحد رن شہاب الدین نے بنایا ۔
مزید خبریں :
جیو نیوز پوڈکاسٹ: کون بنے گا ہمارا پہلا مہمان؟
28 نومبر ، 2024
