ایشیا کپ پاکستان میں ہوگا یا نہیں؟ اے سی سی اجلاس میں فیصلہ نہ ہوسکا

رواں برس پاکستان کی میزبانی میں ہونے والے کرکٹ ایشیا کپ کے وینیو  پر حتمی فیصلہ نہ ہوسکا، بحرین میں ایشین کرکٹ کونسل (اے سی سی) اجلاس میں شرکاء نے معاملے پر حتمی فیصلہ اگلے ماہ تک مؤخر کردیا ہے۔

ایشیا کپ کرکٹ ٹورنامنٹ اس سال ستمبر میں پاکستان کی میزبانی میں ہونا ہے مگر انڈین کرکٹ بورڈ نے حکومتی اجازت نہ ملنے کا بہانہ بناکر پاکستان کا دورہ کرنے سے انکار کردیا ہے۔

ایشیاکپ پاکستان کے بجائے یو اے ای یا سری لنکا میں کھیلے جانے کا امکان، بھارتی میڈیا

پاکستان نے رواں برس ستمبر میں ون ڈے فارمیٹ کے ایشیاکپ کی میزبانی کرنی ہے

پاکستان نے اس معاملہ پر سخت مؤقف اختیار کیا جس پر اے سی سی ایگزیکٹو بورڈ کا اجلاس ہفتے کو بحرین میں ہوا، اجلاس میں پاکستان کرکٹ بورڈ (پی سی بی) کی منیجمنٹ کمیٹی کے سربراہ نجم سیٹھی نے بھی شرکت کی، انڈین بورڈ کے جے شاہ بھی موجود تھے تاہم ایشیا کپ کے وینیو پر حتمی فیصلہ نہیں ہوسکا۔

شرکا نے اس بات پر اتفاق کیا کہ ایشیا کپ کے وینیو  پر مارچ میں کوئی فیصلہ کیا جائے اور اس وقت تک دونوں بورڈز اس معاملہ پر اپنی حکومتوں کا مؤقف بھی حاصل کرلیں ۔ اگر انڈین بورڈ کا مؤقف تبدیل نہ ہوا تو ایشیا کپ نیوٹرل وینیو پر ہوسکتا ہے جس کیلئے یو اے ای اور قطر کے نام پر زیر غور ہیں۔

اس معاملے پر اے سی سی کی جانب سے جاری بیان میں کہا گیا ہے کہ ’ایشیا کپ 2023 کے حوالے سے اے سی سی اجلاس میں تعمیری بات جیت ہوئی اور بورڈ نے اس بات پر اتفاق کیا ہے کہ ٹورنامنٹ کے کامیاب انعقاد کے لیے آپریشنز، ٹائم لائن اور دیگر اہم امور پر بات چیت کا سلسلہ جاری رکھا جائے گا۔ اس معاملے پر فیصلہ اے سی سی ایگزیکٹو بورڈ کے مارچ 2023 میں ہونے والے اجلاس میں لیا جائے گا۔‘

پی ایس ایل نمائشی میچ کیلئے سرفراز اوربابر سمیت مزید کئی کھلاڑی کوئٹہ پہنچ گئے

شاہد آفریدی،کامران اکمل، محمد حفیظ بھی کوئٹہ پہنچنے والوں میں شامل ہیں

ذرائع کے مطابق اے سی سی اجلاس میں نجم سیٹھی نے سخت مؤقف اپنایا۔ نجم سیٹھی نے مؤقف اپنایا کہ بھارت پاکستان نہ آیا توپاکستان بھی بھارت نہیں جائےگا۔

ذرائع کا کہنا ہے کہ ایشیا کپ متاثر ہوا تو ورلڈکپ اور چیمپئنز ٹرافی پر بھی ڈیڈلاک ہوگا،مارچ میں اے سی سی اور  آئی سی سی دونوں کے اجلاس شیڈولڈ ہیں۔

اے سی سی اجلاس میں افغانستان کرکٹ پر بھی بات ہوئی اور بورڈ نے افغانستان کا بجٹ 9 فیصد سے بڑھاکر 15 فیصد تک کردیا ہے ۔