تباہ کن زلزلے کے بعد ترک لیرا کی قدر میں کمی اور اسٹاک مارکیٹ میں کاروبار منفی رہا

ترکیہ میں تباہ کن زلزلے کے بعد مقامی کرنسی میں گراوٹ اور اسٹاک ایکسچینج کے 100 انڈیکس میں شدید کمی دیکھی گئی۔

ترکیہ اور شام شدید زلزلہ آیا ہے اور 7.9 شدت کے زلزلے سے متعدد عمارتیں زمین بوس ہوگئیں جس کے باعث مجموعی طور پر ہلاکتیں 1400 سے تجاوز کرگئیں اور سیکڑوں افراد زخمی ہیں۔

زلزلے کے بعد ترکیہ کی معیشت پر بھی اثر پڑا ہے۔

ترکیہ اور شام میں زلزلے سے تباہی، ہلاکتیں 1400 سے زائد، ترکیہ میں ایمرجنسی نافذ

ترکیہ میں اموات کی تعداد 912 اور زخمیوں کی تعداد 5 ہزار 383 ہے جب کہ شام میں 560 ہلاکتیں اور ایک ہزار افراد زخمی ہوئے ہیں

غیرملکی میڈیا رپورٹس کے مطابق تباہ کن زلزلے کے بعد ترک کرنسی لیرا کی قدر میں کمی کا سلسلہ جاری ہے۔

رپورٹس میں کہا گیا ہے کہ ڈالر کے مقابلے میں لیرا کی قدر میں گراؤٹ ہوئی ہے اور فی ڈالر 18.85 لیرا کا ہوگیا۔ 

اس کے علاوہ ترک اسٹاک مارکیٹ بھی کریش کرگئی ہے اوربورسا استنبول( اسٹاک ایکسچینج) کے 100 انڈیکس میں 4 فیصد سے زائد کمی دیکھی گئی ہے۔