08 فروری ، 2023 
پاکستان
ترک صوبے ادیامان میں سرچ اینڈ ریسکیو ٹیم نے 48 گھنٹے بعد ملبے سے ایک بچے سمیت 2 افراد کو بحفاظت نکالا— فوٹو: اسکرین گریب
ترکیہ: پاک فوج کی ریسکیو ٹیم بھی ملبے تلے دبے افراد کو نکالنے کے آپریشن میں شریک
08 فروری ، 2023
ترکیہ میں زلزلے کے بعد امدادی کارروائیاں جاری ہیں جہاں پاک فوج کی ریسکیو ٹیم بھی ملبے تلے دبے افراد کو نکالنے کے آپریشن میں شریک ہے۔
پاک فوج کی اِمدادی ٹیمیں ترک زلزلہ متاثرین کی مدد میں مصروف ہیں، سردی اور نامساعد حالات میں امدادی ٹیمیں 24 گھنٹوں سے امدای کارروائیوں میں مصروف ہیں۔
ترک صوبے ادیامان میں سرچ اینڈ ریسکیو ٹیم نے 48 گھنٹے بعد ملبے سے ایک بچے سمیت 2 افراد کو بحفاظت نکالا۔
ریسکیو ٹیم کی جانب سے اب تک جاں بحق ہونےوالوں کی 7 لاشیں ملبے سے نکال کر ورثا کے حوالے کی گئی ہیں۔
خیال رہے کہ ترکیہ اور شام میں زلزلے سے مجموعی اموات 11 ہزار 400 سے زیادہ ہوچکی ہیں، ترکیہ اور شام میں پیر کو 7.8 شدت کا زلزلہ آیاتھا۔
