10 فروری ، 2023 
ویڈیو: شاداب کے مداح شادی کے روز آٹو گراف لینے اسٹیج پر پہنچ گئے
10 فروری ، 2023
قومی کرکٹر شاداب خان کو فین فالوونگ کے باعث شادی کے روز بھی مداحوں نے نہ بخشا اور اسٹیج پر دولہے کو گھیر لیا۔
9 فروری کو شاداب خان بارات لے کر ثقلین مشتاق کے ہاں پہنچے جہاں اسٹیج پر دولہا بنے بیٹھے ہونے کے باوجود کچھ مداح ان سے آٹوگراف لینے پہنچ گئے۔
سوشل میڈیا پر سامنے آنے والی ویڈیو میں دیکھا جاسکتا ہے کہ شاداب نے ایک کے بعد ایک مداح کو آٹو گراف دیا جب کہ آس پاس کرکٹر کے دوست اور کزنز موجود تھے۔
وائرل ویڈیو پر مداحوں نے بھی دلچسپ تبصرے کیے اور شاداب کی خوش اخلاقی کو سراہا۔
واضح رہے کہ شاداب نے اپنی بارات پر سفید شیروانی اور سفید رنگ کے قلے کا انتخاب کیا، جس کی تصاویر بھی انہوں نے سوشل میڈیا پر شیئر کیں۔
اس سے قبل شاداب کی مہندی کی ویڈیو بھی خوب وائرل ہوئی تھی جسے قومی کرکٹ ٹیم کے فاسٹ بولر حسن علی کی اہلیہ سامعہ نے شیئر کیا تھا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
