11 فروری ، 2023 
پاکستان
مقدمہ زیر دفعہ 496 / اے کے تحت درج کیا گیا ہے: پولیس/ فائل فوٹو
جناح اسپتال کراچی سے خاتون مریضہ کے مبینہ لاپتہ ہونےکا مقدمہ درج
11 فروری ، 2023
کراچی میں جناح اسپتال کے وارڈ سے خاتون مریضہ کے مبینہ لاپتہ ہونے کے واقعہ کا مقدمہ صدر تھانے میں درج کر لیا گیا۔
کراچی کے جناح اسپتال سے خاتون مریضہ کا مبینہ لاپتہ ہونےکا معاملہ صدر پولیس نے مبینہ لاپتہ خاتون کے شوہر کی مدعیت میں مقدمہ درج کرلیا، مقدمہ زیر دفعہ 496 اے کے تحت درج کیا گیا ہے۔
پولیس کےمطابق سی سی ٹی وی کیمروں کی فوٹیج حاصل کی جا رہی ہے، مبینہ لاپتہ خاتون کی ڈھائی سال قبل وسیم نامی شخص سے شادی ہوئی تھی، خاتون گزشتہ روز میڈیکل چیک اپ کے لیے جناح اسپتال آئی تھی۔
پولیس کے مطابق کئی گھنٹے گزر گئے مگر خاتون کا کچھ پتہ نہیں چل سکا۔
