11 فروری ، 2023 
پاکستان
مقتول شہباز اچکزئی کے قتل میں اس کی اہلیہ ملوث ہے، مقتول پیرآباد فرنٹیئر کالونی کا رہائشی تھا: پولیس— فوٹو:فائل
کراچی میں انسانی دھڑ اوربازو ملنےکا معاملہ، مقتول کی اہلیہ قتل میں ملوث نکلی
11 فروری ، 2023
کراچی کے علاقے پاپوش نگر سے انسانی دھڑ اور دیگر اعضا ملنے کے معاملے میں پیشرفت ہوئی ہے۔
پولیس حکام کے مطابق مقتول شہباز اچکزئی کے قتل میں اس کی اہلیہ ملوث ہے، مقتول پیرآباد فرنٹیئر کالونی کا رہائشی تھا۔
پولیس حکام نے بتایا کہ واقعے کے بعد سے مقتول کی اہلیہ غائب ہے، قتل کے بعد شواہد مٹانے کی غرض سے گھر کو دھو دیا گیا تھا۔
پولیس حکام کے مطابق ملزمان کی تلاش میں چھاپہ مار کارروائیاں جاری ہیں۔
خیال رہے کہ گزشتہ دنوں پاپوش قبرستان کے قریب سے انسانی بازو ملا تھا اور انسانی بازو سے کچھ فاصلے پر بیگ سے انسانی دھڑ بھی ملا تھا۔
فنگر پرنٹس سے مقتول کی شناخت 39 سالہ شہباز کے نام سے کی گئی تھی۔
