12 فروری ، 2023 
کراچی کنگز کے قاسم اکرم پی ایس ایل 8 میں کیا حاصل کرنا چاہتے ہیں؟
12 فروری ، 2023
پاکستان سپر لیگ (پی ایس ایل) 8 میں کراچی کنگز میں شامل نوجوان کرکٹر قاسم اکرم ملنے والے موقعے سے بھرپور فائدہ اٹھانے کیلئے تیار ہیں، ان کا کہنا ہے کہ میرے پاس اپنا کھیل بہتر کرنے کا زبردست موقع ہے۔
میڈیا سے گفتگو کرتے ہوئے قاسم اکرم نے کہا کہ خواہش ہے کہ عمران طاہر، شعیب ملک اور تبریز شمسی جیسے پلیئرز سے اسپن کی مزید ورائٹی سیکھوں جو مستقبل میں میرے کام آسکیں۔
قاسم اکرم نے کہا کہ کراچی کنگز کا کامبی نیشن اچھا ہے، کوشش کریں گے کہ پی ایس ایل میں بطور ٹیم اچھا پرفارم کریں۔
انہوں نے کہا کہ وہ ڈریسنگ روم کا ماحول انجوائے کر رہے ہیں، سمجھتے ہیں کہ اس لیگ میں ان کے پاس اپنا کھیل بہتر کرنے کا بہت زبردست موقع ہے۔
قاسم اکرم کا کہنا تھا کہ پاکستان سپر لیگ نوجوان کرکٹرز کیلئے ایک اچھا پلیٹ فارم ہے، جو یہاں پرفارم کرتا ہے وہ سب کی توجہ کا مرکز بن جاتا ہے اور اس کیلئے قومی ٹیم میں سلیکشن کی راہیں بھی ہموار ہوجاتی ہیں۔
مزید خبریں :
جیو نیوز پوڈ کاسٹ کا آغاز، کون بنے گا پہلا مہمان؟
28 نومبر ، 2024
