اروشی کی نسیم شاہ کو سالگرہ اوراعزازی ڈی ایس پی بننے کی مبارکباد

بھارتی ماڈل گرل اور اداکارہ اروشی روٹیلا نے پاکستان کرکٹ ٹیم کے فاسٹ بولر نسیم شاہ کو سالگرہ کی مبارکباد دی ہے۔

نسیم شاہ کو بلوچستان پولیس کا اعزازی ڈی ایس پی بنادیا گیا

پاکستان کرکٹ ٹیم کے فاسٹ بولر نسیم شاہ کو بلوچستان پولیس کا خیر سگالی سفیر مقرر کردیا گیا ہے

نسیم شاہ کی آج 20 ویں سالگرہ ہے اور انہوں نے اپنی سالگرہ کوئٹہ گلیڈی ایٹرز  کے کھلاڑیوں اور منیجمنٹ کے ہمراہ ہوٹل میں منائی۔

نسیم شاہ نے ہوٹل میں اپنی سالگرہ کا کیک کاٹا۔

اُدھر قومی کرکٹر کو بھارتی اداکارہ اروشی روٹیلا نے انسٹاگرام پر سالگرہ اور اعزازی ڈی ایس پی بننے کی مبارکباد دی ہے۔

بھارتی ماڈل گرل نے 4 روز پرانی نسیم شاہ کی انسٹاگرام پوسٹ پر سالگرہ سے ایک روز قبل  وش کیا اور اعزازی پولیس افسر بننے پر مبارکباد دی۔

جواب میں نسیم شاہ نے اروشی کا شکریہ بھی ادا کیا۔

دوسری جانب اداکارہ کی جانب سے مبارکباد کے پیغام پر سوشل میڈیا صارفین نے طرح طرح کے تبصرے شروع کردیے ہیں۔