21 فروری ، 2023 
پاکستان
دستی بم حملوں کے نتیجے میں شیشے کے عارضی کمرے اور اسٹرکچر تباہ ہوگیا ہے/ فوٹو جیونیوز
فوٹو جیونیوز
کراچی پولیس آفس پر حملہ، عمارت کی بحالی کا کام شروع
21 فروری ، 2023
کراچی پولیس آفس (کے پی او) پر حملے کے بعد تباہ حال عمارت کی بحالی کا کام شروع کردیا گیا ہے۔
پولیس ذرائع کے مطابق صدر میں واقع کے پی او کی عمارت کی دیواریں گولیوں سے چھلنی ہیں اور دستی بم حملوں کے نتیجے میں شیشے کے عارضی کمرے اور اسٹرکچر تباہ ہوگیا ہے۔
پولیس ذرائع کے مطابق کئی مقامات پر کے پی او بلڈنگ کی فارسیلنگ بھی ٹوٹ کر گرگئی اور کئی مقامات پر گولیوں سے عمارت کی دیواروں سے ٹائلز بھی اکھڑ گئی ہیں۔
پولیس ذرائع کا بتانا ہے کہ حملے سے محفوظ رہنے والے دفاتر میں عملے کی جانب سے آج سے کام شروع کر دیا گیا جب کہ تباہ شدہ سامان کو کے پی او کے باہر منتقل کیا جارہا ہے۔
اس کے علاوہ ملبے اور ٹوٹے پھوٹے سامان کے نیچے سے شواہد جمع کیے جا رہے ہیں۔
