18 فروری ، 2023 
کے پی او حملہ: شہید لفٹ آپریٹر اور خاکروب کے اہلخانہ کی جیونیوز سے گفتگو
18 فروری ، 2023
کراچی پولیس آفس پر حملے میں شہید ہونے والے لفٹ آپریٹر اور خاکروب کے اہلخانہ نے جیونیوز سے خصوصی گفتگوکی۔
کراچی پولیس آفس پر حملے کے نتیجے میں شہید ہونے والے لفٹ آپریٹر سعید کے برادر نسبتی جاوید نے جیونیوز سے گفتگو میں بتایا کہ حملے کے دوران رات 8 بجے میری سعید سے بات ہوئی، وہ 8 بجے تک خیریت سے تھے لیکن رات گئے ان کی شہادت کی اطلاع آئی۔
جاوید نے بتایا کہ ہم اورنگی ٹاؤن کے رہائشی ہیں اور سعید کے دو بچے ہیں، سعیدکی نمازجنازہ کی ادائیگی کے بعد تدفین اورنگی ٹاؤن میں کریں گے۔
دوسری جانب شہید خاکروب اجمل کے کزن خالد کاکہنا تھا کہ اجمل کے 4 بچے ہیں اور اس کا تعلق فیصل آباد سے ہے، اجمل 6 سال پہلے پولیس میں بھرتی ہوا اور کے پی او میں ڈیوٹی تھی۔
خالد کے مطابق اجمل کے پی او کے مرکزی دروازے پر کل موجود تھا، دہشتگردوں نے اجمل پرحملہ کیا جس سے وہ شہید ہوا، اجمل کی تدفین فیصل آباد میں کریں گے۔
مزید خبریں :
تصاویر: پی ٹی آئی کا احتجاج اور سخت سکیورٹی اقدامات
1 گھنٹے پہلے
سندھ پنجاب سرحد کو ٹریفک کیلئے کھول دیا گیا
3 گھنٹے پہلے
