23 فروری ، 2023 
یورپین کمیشن نے اپنے عملے کو ٹک ٹاک استعمال کرنے سے روک دیا
23 فروری ، 2023
یورپین کمیشن نے اپنے عملے کے لیے سوشل میڈیا ایپ ٹک ٹاک کے استعمال پر پابندی عائد کر دی ہے۔
یورپی یونین کے اعلیٰ ترین ادارے کی جانب سے عملے کو کہا گیا ہے کہ وہ اپنی ڈیوائسز سے ٹک ٹاک ایپ کو ڈیلیٹ کر دیں۔
میڈیا رپورٹس کے مطابق کمیشن کی جانب سے عملے میں شامل افراد کو ہدایت کی گئی ہے کہ وہ آفیشل اور نجی ڈیوائسز سے ٹک ٹاک کو ڈیلیٹ کر دیں۔
اس مقصد کے لیے ملازمین کو 15 مارچ تک کی مہلت دی گئی ہے۔
کمیشن کی جانب سے جاری ہدایات کے مطابق اس اقدام کا مقصد ادارے کے ڈیٹا کو تحفظ فراہم کرنا اور سائبر سکیورٹی کو مضبوط بنانا ہے۔
یورپین کمیشن کی جانب سے یہ اعلان اس وقت کیا گیا ہے جب کچھ عرصے قبل امریکا میں سرکاری ڈیوائسز پر ٹک ٹاک کے استعمال پر پابندی عائد کی گئی۔
دلچسپ بات یہ ہے کہ یورپی یونین میں شامل 27 ممالک میں سے کسی نے بھی ٹک ٹاک پر پہلے کوئی پابندی عائد نہیں کی تھی۔
خیال رہے کہ ٹک ٹاک کی ملکیت ایک چینی کمپنی بائیٹ ڈانس کے پاس ہے اور مغربی ممالک کی جانب سے یہ خدشہ ظاہر کیا جاتا ہے کہ اس سوشل میڈیا ایپ کو جاسوسی کے لیے استعمال کیا جاسکتا ہے۔
ٹک ٹاک اور بائیٹ ڈانس کی جانب سے بار بار اس تاثر کی تردید کرتے ہوئے کہا گیا کہ دیگر ایپس کی طرح صارفین کا ڈیٹا بس اشتہاری مقاصد کے لیے اکٹھا کیا جاتا ہے۔
ٹک ٹاک کی جانب سے اس حوالے سے فی الحال کوئی ردعمل سامنے نہیں آیا۔
مزید خبریں :
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
