روسی حملے کو ایک سال مکمل ہونے پر یوکرین نے خصوصی نوٹ جاری کر دیا

روسی حملے کو ایک سال مکمل ہونے پر یوکرین نے خصوصی نوٹ جاری کر دیا۔

واضح رہے کہ24 فروری 2022 کو روس کی جانب سے یوکرین پر حملہ کرتے ہوئے جنگ کا اعلان کیا گیا تھا۔

برطانوی خبر رساں ایجنسی رائٹرز کے مطابق گزشتہ سال سے اب تک روس یوکرین جنگ میں 42 ہزار سے زائد افراد جان سے گئے جبکہ 56 ہزار سے زائد شہری زخمی ہوچکے ہیں، اس کے علاوہ 15 ہزار افراد اب بھی لاپتہ ہیں۔ 

تاہم روسی حملے کو ایک سال مکمل ہونے کے موقع پر یوکرین کے مرکزی بینک نے جمعرات کو ایک یادگاری نوٹ کی نقاب کشائی کی۔

رپورٹس کے مطابق مرکزی بینک کی جانب سے یوکرینی کرنسی Hryvnia کا 20 کا خصوصی نوٹ جاری کیا گیا جس کے ایک طرف تین فوجیوں کو قومی پرچم بلند کرتے ہوئے دکھایا گیا۔

نوٹ کی دوسری طرف رسی سے بندھے ہوئے دو ہاتھوں کی تصویر ہے جو مبینہ طور پر جنگی جرائم کی نشاندہی کرتی ہے۔

رپورٹس کے مطابق نیشنل بینک آف یوکرین کے گورنر نے کہا کہ جنگ کو ایک سال مکمل ہونے کے موقع پر ہم نے ایک یادگاری نوٹ جاری کرنے کا فیصلہ کیا جو کاغذ کے ایک چھوٹے سے ٹکڑے پر سال بھر کے جذبات، مواد اور مشہور چیزوں کی عکاسی کرے گا۔

مرکزی بینک کے حکام نے کہا کہ اس نوٹ کو ڈیزائن اور تیار کرنے میں تقریباً 8 ماہ لگے۔

روس کا یوکرین پر حملہ، شہروں پر میزائل برسا دیے، متعدد افراد ہلاک

یوکرین کا روسی حملے میں 40 فوجیوں اور شہریوں کی ہلاکت کا الزام ، ساتھ ہی 5 روسی طیارے اور ہیلی کاپٹر مار گرانے کا دعویٰ بھی کردیا، روس نے الزام اور دعویٰ دونوں مسترد کردیے

یوکرین پر روسی حملے کو 100 روز مکمل ہوگئے

24 فروری کو یوکرین میں روسی افواج کے داخلے کے بعد سے اب تک ہزاروں افراد ہلاک ہوچکے ہیں جب کہ لاکھوں بے گھر ہیں۔