لاہور قلندرز کے بولر زمان خان نے کونسے بیٹر کی وکٹ کو اپنا ٹارگٹ بنالیا؟

پاکستان سپر لیگ (پی ایس ایل) کی ٹیم لاہور قلندرز کے فاسٹ بولر زمان خان نے کہا ہے کہ بابر اعظم کو آؤٹ کرنے کا ٹارگٹ ہے، گزشتہ سیزن میں بابر اعظم کا کیچ ڈراپ کر دیا تھا، اس مرتبہ میچ میں بابر اعظم کی وکٹ لینا ہے۔

جیو نیوز سے خصوصی گفتگو کرتے ہوئے زمان خان نے کہا کہ محمد حارث اچھا بیٹر ہے اسے آؤٹ کرنے کا پلان تیار کیا ہے۔

ویڈیو: لاہور قلندرز کا راشد خان کو منفرد انداز میں ویلکم

پاکستان پہنچنے پر راشد خان کو ویلکم کہتے ہوئے کھلاڑیوں کی جانب سے لال رنگ کے دل کی شکل والے غبارے دیے گئے جس کی ویڈیو بھی لاہور قلندرز کی جانب سے شیئر کی گئی ہے

انہوں نے کہا کہ شاہین آفریدی کے جارحانہ انداز سے متاثر ہوں، شاہین آفریدی اور حارث رؤف کی وجہ سے دل بڑا ہوتا ہے، ان کی موجودگی سے بہت فائدہ ہو رہا ہے، ان سے بہت کچھ سیکھ رہا ہوں۔

زمان خان نے کہا کہ ریڈ بال کا سیزن ختم ہونے کے بعد ڈیتھ اوورز، سلو بالز  اور  یارکرز کی پریکٹس کرتا ہوں۔

لاہور قلندرز کے فاسٹ بولر کا کہنا تھا کہ کپتان کو اعتماد ہے، وہ کہتے ہیں کہ بس پریشر نہیں لینا۔