سال کا وہ موقع جب دن اور رات کا دورانیہ یکساں ہو جائے گا

ہر سال 20 یا 21 مارچ کو عیسوی کیلنڈر کے مطابق شمالی نصف کرے میں موسم بہار جبکہ جنوبی نصف کرے میں خزاں کا آغاز ہوتا ہے۔

ویسے تو حالیہ برسوں میں موسم بہار کا دورانیہ گھٹ گیا ہے مگر پھر بھی ہر سال 20 یا 21 مارچ کو اعتدال ربیعی یا Spring Equinox کا آغاز ہوتا ہے۔

سال کے سب سے چھوٹے دن اور طویل ترین رات کے چند دلچسپ حقائق

سال کے مختصر ترین دن کو راس الجدی یا winter solstice کہا جاتا ہے۔

یہ وہ موقع ہوتا ہے جب سورج شمال کی طرف جاتے ہوئے خط استوا کے اوپر سے گزرتا ہے۔

ہماری زمین سورج کے گرد گھومتے ہوئے مدار میں ایک جانب جھکتی ہے جس کے نتیجے میں سال میں کچھ مواقعوں پر سورج کی روشنی اور حرارت زیادہ یا کم مقدار میں براہ راست ہمارے سیارے تک پہنچتی ہے۔

اعتدال ربیعی کے موقع پر چونکہ سورج خط استوا کے اوپر ہوتا ہے تو دنیا میں لگ بھگ ہر جگہ سورج کی روشنی یکساں مقدار میں پہنچتی ہے۔

اس موقع پر دن اور رات کی لمبائی بھی لگ بھگ یکساں ہوتی ہے یعنی 12، 12 گھنٹے۔

ایسا ہی ستمبر میں بھی ہوتا ہے جب اعتدال خریفی یا September equinox کا آغاز ہوتا ہے۔

جون میں خط سرطان یا Summer Solstice کا آغاز ہوتا ہے جبکہ دسمبر میں راس الجدی یا winter solstice کا آغاز ہوتا ہے۔

خط سرطان کا آغاز سال کے طویل ترین دن سے ہوتا ہے جس کے بعد دن کا دورانیہ گھٹنے لگتا ہے جبکہ راس الجدی کا آغاز سال کے مختصر ترین دن سے ہوتا ہے جس کے بعد دن کا دورانیہ بڑھنے لگتا ہے۔

سال کے طویل ترین دن کے بارے میں یہ دلچسپ حقائق جانتے ہیں؟

سال کا طویل ترین دن بدلتا رہتا ہے، جیسے 2023 تک 21 جون کو ایسا ہوگا مگر 2024 اور 2025 میں 22 جون طویل ترین دن ہوگا

دن اور رات کا دورانیہ مارچ اور ستمبر میں یکساں ہو جاتا ہے (مگر کچھ خطوں میں ایسا نہیں ہوتا)۔

لفظ equinox کا مطلب ہی مساوی رات ہے۔

زمانہ قدیم میں موسموں کا اندازہ اعتدال ربیعی، اعتدال خریفی، خط سرطان اور راس الجدی سے لگایا جاتا تھا۔

اس سال اعتدال ربیعی کا آغاز 20 مارچ (پاکستانی وقت کے مطابق 21 مارچ کو رات 2 بج کر 24 منٹ) کو ہوگا۔

اس کے بعد شمالی نصف کرے میں دن کا دورانیہ بڑھنے جبکہ رات کا گھٹنے لگے گا جبکہ جنوبی نصف کرے میں اس سے الٹ ہوگا۔