ریلی کیلئے زیادہ حفاظتی انتظامات کیے جائیں، محکمہ داخلہ پنجاب کا پی ٹی آئی کو خط

محکمہ داخلہ پنجاب نے آج لاہور میں ریلی نکالنےکے معاملے پر  پاکستان تحریک انصاف (پی ٹی آئی)  کو  خط لکھ دیا۔

خط میں کہا گیا ہےکہ  پی ٹی آئی نے زمان پارک سے داتا دربار تک ریلی نکالنےکا اعلان کیا ہے جب کہ آج عورت مارچ بھی ہے، موجودہ صورتحال میں پی ٹی آئی کا اجتماع درست نہیں۔

عمران خان کی قیادت میں کل زمان پارک سے ریلی نکالی جائے گی

کل ریلی سے اپنی انتخابی مہم کا آغاز کررہا ہوں: عمران خان

محکمہ داخلہ پنجاب نے کہا ہےکہ  پی ٹی آئی ریلی کے آرگنائزرز  زیادہ  حفاظتی انتظامات کریں۔

خیال رہےکہ تحریک انصاف نے  آج زمان پارک سے دوپہر ایک بجے ریلی نکا لنےکا اعلان کیا ہے، ریلی فیروزپورروڈ سے ہوتی ہوئی داتا دربار  پر ختم ہوگی، عمران خان ریلی کی قیادت کریں گے۔

فواد چوہدری کا کہنا ہےکہ  ریلی آئین اور عدلیہ سے اظہار یکجہتی کے لیے نکالی جائے گی۔