امریکی ڈرون سے روسی طیارے کے ٹکرانے کی ویڈیو سامنے آگئی

14 مارچ کو بحیرہ اسود پر پرواز کے دوران روسی جنگی طیارہ ٹکرانے سے امریکی ڈرون مکمل طور پر تباہ ہو گیا تھا۔

اب امریکی محکمہ دفاع پینٹاگون نے اس واقعے کی ویڈیو جاری کی ہے۔

روس کا امریکی 'اشتعال انگیزی' پر مناسب جواب دینے کا اعلان

یہ بات روس کے وزیر دفاع سرگئی شوئیگوف نے امریکی ہم منصب لائیڈ آسٹن سے ٹیلیفونک رابطے کے دوران کہی۔

پینٹاگون کے مطابق Su-27 روسی جنگی طیارے نے بین الاقوامی فضائی حدود میں غیر محفوظ انداز سے MQ-9 کو روکا۔

امریکی محکمہ دفاع کی جانب سے اس واقعے کی ویڈیو اس وقت جاری کی گئی جب روس کی جانب سے ان الزامات کی تردید کی گئی کہ اس کے طیارے کے باعث ڈرون تباہ ہوا۔

روس کے مطابق لڑاکا طیارے کی بجائے ڈرون خود اپنی تیز حرکت کی وجہ سے گر کر تباہ ہوا۔

42 سیکنڈ کی ویڈیو میں دکھایا گیا ہے کہ روسی لڑاکا طیارہ ایندھن خارج کرتے ہوئے ڈرون کے اوپر سے گزرتا ہے۔

بحیرہ اسود پر روسی طیارے کے ٹکرانے سے امریکی ڈرون تباہ، امریکا کا سخت احتجاج

واقعے کے باوجود امریکا اور اس کے اتحادی علاقے میں اپنا آپریشن جاری رکھیں گے: امریکی فوجی حکام

اس کے چند سیکنڈ بعد پھر وہ طیارہ ڈرون کے بہت زیادہ قریب سے گزرتا ہے اور اس موقع پر ڈرون سے ٹکراتا ہے جس کے بعد کیمرا فیڈ کچھ وقت کے لیے رک جاتی ہے اور پھر نظر آتا ہے کہ ڈرون کی پنکھڑیوں (propeller ) کو نقصان پہنچا ہے۔

اس ویڈیو کی ریلیز سے قبل امریکا اور روس کے وزرائے دفاع کے درمیان ٹیلیفونک رابطہ بھی ہوا تھا جس میں اس واقعے پر بات کی گئی تھی۔

اسی طرح امریکی اور روسی افواج کے اعلیٰ حکام نے بھی ایک دوسرے سے رابطہ کیا۔