اگر 'ضمانت پارک' میں صرف ایک خاتون ہے تو پولیس پرگولیاں کون برسارہا ہے؟ مریم نواز

مسلم لیگ ن کی سینیئر نائب صدر مریم نواز کا کہنا ہےکہ اگر 'ضمانت پارک' میں صرف ایک خاتون موجود ہے تو پولیس پر اندر سےگولیاں اور پیٹرول بم کون برسا رہا ہے؟

ٹوئٹر پر ایک بیان میں مریم نواز کا کہنا تھا کہ یہ لوگ جھوٹ بولنے سے پہلے سوچتے بھی نہیں؟

مریم نواز نے سوشل میڈیا پر ایک ویڈیو شیئر کی ہے جس میں عمران خان کی رہائش گاہ کے اندر سے ایک پیٹرول بم اہلکاروں کی جانب پھینکا جارہا ہے ، مریم نواز نے اپنی ٹوئٹ میں لکھا کہ 'کہا تھا نا کہ یہ ایک دہشت گرد جماعت ہے جس کے سرغنہ نے قانون اور سزا سے بچنے کے لیے شرپسند اور تربیت یافتہ دہشت گرد اپنے گھر میں رکھے ہوئے ہیں، مریم نواز نے کہا کہ یہ مناظر آج سے پہلے صرف دہشت گردی کے حوالے سے دیکھنے کو ملے،شرمناک!

ان کا کہنا تھا کہ اب پتہ چلا کے جب سے اس 'دہشت گرد' کو زبردستی سیاست میں گھسیڑا گیا، تب سے ملک فتنہ  اور  انتشار کا شکار کیوں ہے؟  لانے والے بھی اپنے بدترین انجام کو پہنچے، اس کی سیاست بھی رسوائی کے ساتھ اپنے اختتام کی جانب لڑھک رہی ہے۔

انہوں نے مزید کہا کہ پاکستان میں سیاسی رہنماؤں اور سیاسی جماعتوں نے ہمیشہ نہتے  جدوجہد کی، قربانیاں دیں،  پی ٹی آئی کو سیاسی جماعت کہنا یا عمران خان کو سیاسی لیڈرکہنا کئی دہائیوں پر پھیلی سیاسی کارکنوں کی جدوجہد کی تذلیل ہوگی۔

زمان پارک میں آپریشن: پولیس گیٹ توڑکر عمران خان کےگھر میں داخل، پی ٹی آئی کارکنوں کی گرفتاریاں

عمران خان کے گھر کے اندر سے پولیس اہلکاروں پر فائرنگ بھی کی گئی ہے اور پیٹرول بم اور پتھر بھی پھینکےگئے ہیں جس کے باعث پولیس اہلکار زخمی بھی ہوئے ہیں

مجھے گرفتار کرنےکا منصوبہ بنایا گیا ہے: عمران خان

لاہور میں محاصرے کا مقصد مجھے عدالت میں پیش کرنا نہیں بلکہ گرفتار کرکے جیل میں ڈالنا تھا تاکہ میں اپنی انتخابی مہم نہ چلاسکوں، عمران خان