18 مارچ ، 2023 
پی ٹی آئی کارکنوں نے بلااشتعال پتھراؤ کیا، پولیس پر شیلنگ ہمارے لیے ایک نئی چیز ہے: آئی جی اسلام آباد
18 مارچ ، 2023
انسپکٹر جنرل (آئی جی) اسلام آباد پولیس ڈاکٹر اکبر ناصر خان کا کہنا ہے کہ پی ٹی آئی کارکنوں کی جانب سے پولیس پر بلا اشتعال پتھراؤ کیا گیا لیکن پولیس تحمل کا مظاہرہ کر رہی ہے۔
آئی جی اسلام آباد کا کہنا ہے کہ شبلی فراز کے توسط سے تمام کوآرڈینیشن ہو گئی تھیں لیکن پولیس نے پی ٹی آئی کارکنوں کی جانب سے پتھراؤ کے بعد آنسو گیس کی شیلنگ کی، پولیس تحمل سے کام لے رہی ہے، پولیس کے پاس ہتھیار نہیں ہیں۔
انہوں نے کہا کہ عدالت سے 100 میٹر کا فاصلہ بھی نہیں رہ گیا، عمران خان عدالت میں تشریف لائیں اور عدالتی کارروائی کی تکمیل کریں۔
اکبر ناصر خان کا کہنا تھا پولیس کی طرف بھی شیل آکر گرے ہیں جس پر حیرت ہے، اس کی تحقیقات کر رہے ہیں، پولیس پر شیلنگ کی گئی ہے یہ ہمارے لیے ایک نئی چیز ہے۔
آئی جی اسلام آباد کا کہنا ہے بات صرف اتنی ہے کہ آپ نے عدالت میں پیش ہو کر اپنا مؤقف رکھنا ہے، پولیس کا طریقہ کار سب کے سامنے ہے، پولیس تحمل، برداشت کا طرز عمل اختیار کیے ہوئے ہے۔
یاد رہے کہ عمران خان نے آج توشہ خانہ کیس میں ایف ایٹ کچہری میں پیش ہونا ہے اور اس حوالے سے اسلام آباد میں سکیورٹی کے انتہائی سخت انتظامات کیے گئے ہیں۔
مزید خبریں :
عمران خان نے بیرسٹر سیف کو اہم ٹاسک سونپ دیا
3 گھنٹے پہلے
کراچی میں کڑاکے کی سردی، شہری ٹھٹھر گئے
7 گھنٹے پہلے
