حسن علی نے قلندرزکے مالک سے زمان خان کو کیا تحفہ دینےکی درخواست کی؟

پاکستان سپر لیگ 8 کے فائنل میں شاندار بولنگ کرنے والے زمان خان کے حوالے سے فاسٹ بولر حسن علی نے لاہور قلندرز کے مالک سے خصوصی درخواست کی ہے۔

زمان خان نے سلطانز کے خلاف فائنل کے آخری اوور میں 13 رنز کا دفاع کیا جب کہ کریز پر خوشدل شاہ اور عباس آفریدی موجود تھے۔

شاہین کی بیٹنگ دیکھ کر وزیراعظم کو کون یاد آگیا؟

18 مارچ بروز ہفتے کی شب لاہور کے قذافی اسٹیڈیم میں کرکٹ کے شائقین کو اعصاب شکن مقابلہ دیکھنے کو ملا

اسلام آباد یونائیٹڈ کی نمائندگی کرنے والے حسن علی نے زمان سے متعلق قلندرز کے مالک سے درخواست کی ہے۔

حسن علی نے ٹوئٹر پر جاری پیغام میں کہا 'برائے مہربانی زمان خان کو اس سال ایک کنال گھر تحفے میں دیں'۔

ساتھ ہی حسن نے لاہور کی ٹیم کو مبارک باد پیش کی اور ملتان کی شکست پر افسوس کا اظہار کیا۔

خیال رہےکہ ملتان سلطانز کو شکست دے کر لاہور قلندرز  مسلسل دوسری بار پاکستان سپر لیگ کی چیمپئن بن گئی، لاہور پہلی ٹیم ہے جس نے پی ایس ایل میں اعزاز کا دفاع کیا ہے۔