امریکا کا چین کی پیش کردہ روس یوکرین امن تجاویز پر شکوک و شبہات کا اظہار

امریکا نے چین کی پیش کردہ روس یوکرین امن تجاویز پر شکوک و شبہات کا اظہار کر دیا۔

امریکی وزیرخارجہ انٹونی بلنکن نےکہا ہےکہ کوئی بھی منصوبہ جو غیرمنصفانہ نتائج دے، تعمیری سفارت کاری نہیں۔

انٹونی بلنکن کا کہنا ہے کہ  یہ بات شکوک پیدا کرتی ہےکہ چین یوکرین کی خودمختاری اور  علاقائی سالمیت کا تحفظ کر رہا ہے۔

ان کا کہنا ہےکہ یوکرین سے روسی افواج کے انخلا کے بغیر جنگ بندی روسی فتح کی توثیق کی حمایت ہوگی۔

خیال رہے کہ چین کی امن تجاویز میں روس یوکرین امن بات چیت،علاقائی سالمیت کا احترام اور جنگ بندی شامل ہیں۔

یوکرین تنازع کے حل کیلئے چین کی تجاویز قابل احترام ہیں، روسی صدر پیوٹن

گزشتہ روز چین کے صدر شی جن پنگ روس کے اہم دورے پر ماسکو پہنچے ، انہوں نے اپنے روسی ہم منصب ولادیمیر پیوٹن سے 4 گھنٹے طویل غیر رسمی ملاقات کی

چینی صدر کا ماسکو کا دورہ، یوکرین کا چین سے روس پر دباؤ ڈال کر جنگ رکوانے کا مطالبہ

یوکرین چینی صدر شی جن پنگ کے دورہ روس کا بغور مشاہدہ کر رہا ہے، توقع ہے کہ چین یوکرین جنگ ختم کرانے کیلئے روس پر دباؤ ڈالے گا: ترجمان یوکرینی وزارت خارجہ