بہاولپور: مفت سرکاری آٹےکی تقسیم کےدوران بھگدڑ سے7 خواتین زخمی ہوگئیں
22 مارچ ، 2023
بہاولپور میں مفت آٹا سیل پوائنٹ پر آٹےکی تقسیم کےدوران بھگدڑ کی وجہ سے7 خواتین زخمی ہوگئیں۔
رپورٹ کے مطابق یہ واقعہ بہاولپور کے علاقے حاصل پور بلدیہ روڈ پرپیش آیا جہاں حکومت کی جانب سے بنائے گئے مفت آٹا سیل پوائنٹ پر آٹے کی تقسیم کے دوران بدنظمی دیکھنے میں آئی۔
بدنظمی کے باعث بھگدڑ مچ گئی، دھکم پیل کے نتیجے میں 7 خواتین زخمی ہوگئیں، ایک خاتون کی ٹانگ ٹوٹ گئی۔
زخمیوں کو تحصیل ہیڈکوارٹر اسپتال حاصل پور منتقل کردیا گیا ہے۔
