برطانیہ نے پارلیمنٹ کے زیر استعمال ڈیوائسز میں ٹک ٹاک پر پابندی کیوں لگا دی؟

 برطانوی پارلیمنٹ  نے اپنی تمام ڈیوائسز اور نیٹ ورک میں ٹک ٹاک پر پابندی لگا دی۔

غیر ملکی خبر ایجنسی کے مطابق برطانیہ نے سائبر سکیورٹی کے پیش نظر پارلیمنٹ کے زیر استعمال ڈیوائسز میں چین کی ویڈیو شیئرنگ ایپ ٹک ٹاک پر پابندی لگا دی۔

برطانیہ نےگزشتہ ہفتے سرکاری ڈیوائسز میں ٹک ٹاک کے استعمال پر پابندی لگائی تھی۔

ٹک ٹاک پر پابندیوں کے امریکی فیصلے پر چین کی شدید تنقید

چینی وزارت خارجہ کے ایک ترجمان نے کہا کہ ٹک ٹاک پر عائد پابندیوں سے امریکی حکومت کے عدم تحفظ اور ریاستی اختیار کے غلط استعمال کا انکشاف ہوتا ہے۔

اس سے قبل نیوزی لینڈ میں بھی پارلیمنٹ سے منسلک نیٹ ورک میں ٹک ٹاک کے استعمال پر پابندی لگائی گئی ہے۔

واضح رہے کہ  امریکا اور کچھ یورپی ممالک بھی سکیورٹی خدشات پر سرکاری ڈیوائسز میں ٹک ٹاک پر پابندی لگا چکے ہیں۔