24 مارچ ، 2023 
چین نے پاکستان کیلئے 2 ارب ڈالر کا سیف ڈپازٹ قرض رول اوور کردیا
24 مارچ ، 2023
چین نے پاکستان کے لیے 2 ارب ڈالر کا سیف ڈپازٹ قرض رول اوور کر دیا ہے۔
ذرائع وزارت خزانہ کا بتانا ہے کہ چین نے 2 ارب ڈالر کے سیف ڈپازٹ کی واپسی ایک سال کے لیے مؤخر کی ہے۔
ذرائع کے مطابق سعودی عرب اور متحدہ عرب امارات کی جانب سے بھی فنانسنگ کی امید ہے۔
ذرائع وزارت خزانہ کا کہنا ہے کہ پاکستان کو عالمی مالیاتی فنڈ (آئی ایم ایف) سے معاہدے کے لیے بیرونی فنانسنگ کی تصدیق ضروری ہے۔
ذرائع کے مطابق اسی ماہ چین سے مزید 30 کروڑ ڈالر بھی پاکستان آنے ہیں جبکہ اسی ماہ زرمبادلہ کے ذخائر 5 ارب ڈالر سے تجاوز کرنے کی امید ہے۔
یاد رہے کہ آئی ایم ایف کی جانب سے جاری بیان میں کہا گیا ہے کہ بیرونی مالیاتی یقینی دہانیوں کے بعد پاکستان کے ساتھ اگلا قدم اٹھاسکیں گے، پاکستان کو دیگر مالیاتی اداروں اور دوست ممالک سے بھی مالی تعاون یقینی بنانا ہے۔
مزید خبریں :
حکومت کا پیٹرولیم مصنوعات کی قیمتیں برقرار رکھنے کا فیصلہ
15 نومبر ، 2024
ملک میں سونے کی فی تولہ قیمت میں سیکڑوں روپے کا اضافہ
15 نومبر ، 2024
