سندھ حکومت کا رمضان میں مزید روٹس پر الیکٹرک بس سروس چلانے کا فیصلہ

سندھ حکومت نے ماہِ رمضان میں مزید نئے روٹس پر پیپلز الیکٹرک بس سروس چلانے کا فیصلہ کرلیا۔

وزیر اطلاعات شرجیل میمن نے کہا ہے کہ یلو لائن پروجیکٹ پر بھی جلد کام شروع ہوجائے گا، کراچی کے عوام نے پاکستان پیپلز پارٹی کو بلدیاتی انتخابات میں بھاری مینڈیٹ دیا ہے۔

انہوں نے مزید کہا کہ شہریوں کی توقعات پر پورا اترنا پیپلز پارٹی کی ترجیح ہے اسی لیے  ماہ رمضان میں مزید نئے روٹس پر پیپلز الیکٹرک بس سروس چلانے کا فیصلہ کیا ہے۔