شاداب اور افتخار احمد کو متحدہ عرب امارات کا گولڈن ویزا مل گیا

پاکستان کرکٹ ٹیم کے آل راؤنڈر شاداب خان اور افتخار احمد کو متحدہ عرب امارات کا گولڈن ویزا مل گیا۔

شاداب خان اور افتخار احمد نے سوشل میڈیا پر متحدہ عرب امارات کے  حکام کی جانب سے گولڈن ویزا موصول ہونے کی تصاویر اپ لوڈ کیں۔ 

آل راؤنڈر شاداب خان نے یو اے ای حکومت کا شکریہ ادا کرتے ہوئے لکھا کہ'  پاکستان سے باہر میں نے زیادہ  وقت متحدہ عرب امارات میں گزارا ہے ،  یہ ہمیشہ گھر جیسا محسوس ہوتا ہے'۔

دوسری جانب افتخار احمد نے کہا کہ' الحمدللہ، مجھے ایک ایسے ملک سے گولڈن ویزا ملنے کا اعزاز حاصل ہوا ہے جسے میں اپنا دوسرا گھر کہہ سکتا ہوں۔

اس سے قبل وسیم اکرم ، شعیب ملک اور کئی پاکستانی شخصیات کو یو اے ای کا گولڈن ویزا مل چکا ہے۔

واضح رہے کہ گولڈن ویزا حاصل کرنے والے افراد نیشنل اسپانسر کے بغیر یو اے ای میں تعلیم ،کاروبار اور رہائش اختیار کرسکتے ہیں۔

شعیب اور ثانیہ کو دبئی کا گولڈن ویزا مل گیا

ثانیہ اور شعیب کو گولڈن ویزا ملنے کے بعد 10 سال تک متحدہ عرب امارات میں رہنے کی اجازت ہوگی۔

وسیم اکرم کو دبئی کا گولڈن ویزا جاری

دبئی کی حکومت نے کرکٹ میں میری خدمات کے اعتراف میں مجھے گولڈن ویزا جاری کیا ہے: وسیم اکرم