روس نے یوکرین کی شدید مخالفت کے باوجود سلامتی کونسل کی صدارت سنبھال لی

روس نے یوکرین کی شدید مخالفت کے باوجود اقوام متحدہ کی سلامتی کونسل کی صدارت سنبھال لی۔

اقوام متحدہ کی سلامتی کونسل کی صدارت ایک ماہ کیلئے روس کے پاس آگئی ہے۔

روس پر معاشی پابندیوں کے باوجود نیویارک میں روسی بانڈز کی خریدوفروخت جاری

بینک آف امریکا، بارکلیز، سٹی بینک اور جے پی مورگن نے اس معاملے پر مؤقف دینے سے انکار کردیا ہے، خبر ایجنسی

یوکرین کا کہنا ہے کہ روس کا سلامتی کونسل کی صدارت سنبھالنا عالمی برادری کے منہ پر طمانچہ ہے۔

خیال رہے کہ سلامتی کونسل کے 15ارکان باری باری ایک ماہ کیلئے سلامتی کونسل کی صدارت سنبھالتے ہیں۔ روس نے آخری بار صدارت فروری 2022 میں سنبھالی تھی اور اسی ماہ اس نے یوکرین پر حملہ کردیا تھا۔

 امریکا بھی یوکرین حملے کے تناظر میں سلامتی کونسل میں روس کی مستقل رکنیت پر اعتراض کر چکا ہے۔

سوشل میڈیا پر  جاری بیان میں یوکرینی وزیر خارجہ دیمتری کولیبا کا کہنا تھا کہ روس کا سلامتی کونسل میں ہونا غیرقانونی ہے، یوکرینی وزیر خارجہ نے مطالبہ کیا کہ سلامتی کونسل کے ارکان صدارت کا غلط استعمال کرنے کی کسی بھی روسی کوشش کو ناکام بنائیں۔