ہنڈرڈ لیگ میں پک نہ کیے جانے پر شعیب اختر بھی بابر کی حمایت میں بول پڑے

ہنڈرڈ لیگ میں پِک نہ کیے جانے پر برطانوی فاسٹ بالر جیمز اینڈرسن کے بعد شعیب اختر بھی بابر کی حمایت میں بول پڑے۔

ہنڈرڈ لیگ میں پِک نہ کیے جانے پر جیمز اینڈرسن بابر کی حمایت میں بول پڑے

میں بابر کو ٹیم میں لینے کے لیے ڈبل پیسے آفر کر دیتا اور اسے پِک کرنے کے لیے اپنا پورا بجٹ لگا دیتا: انگلش کرکٹر

راولپنڈی ایکسپریس کا لقب پانے والے پاکستانی فاسٹ بالر شعیب اختر نے ٹوئٹر پر جیمز اینڈرسن کے بیان پر ٹوئٹ کرتے ہوئے بابر اعظم کی حمایت کی۔

شعیب اختر کی جانب سے لکھا گیا کہ میں جیمز اینڈرسن سے متفق ہوں، میں بھی ایسا ہی کرتا، میں واقعی حیران ہوں دنیا کے ٹی20 کے بہترین کھلاڑی کو دی ہنڈرڈ میں کیوں نہیں لیا گیا۔

واضح رہے ایک پوڈ کاسٹ میں گفتگو کرتے ہوئے جیمز اینڈرسن نے کہا تھا کہ بابرکو ہنڈرڈ لیگ میں پک نہ کیے جانے پر حیران ہوں، میں بابر کو ٹیم میں لینے کے لیے ڈبل پیسے آفر کر دیتا اور اسے پک کرنے کے لیے اپنا پورا بجٹ لگا دیتا۔