02 اپریل ، 2023 
کیا صحت مند رہنے کا آسان طریقہ جانتے ہیں؟
02 اپریل ، 2023
اگر آپ صحت مند رہنا چاہتے ہیں تو اپنے پیاروں کے ساتھ تعلقات اچھے بنالیں۔
یہ بات نیوزی لینڈ میں ہونے والی ایک طبی تحقیق میں سامنے آئی۔
آک لینڈ یونیورسٹی کی تحقیق میں بتایا گیا کہ قریبی رشتوں کے حوالے سے احساسات جسمانی صحت اور افعال پر اثرانداز ہوتے ہیں۔
اس سے قبل تحقیقی رپورٹس میں سماجی تعلقات، تناؤ اور بلڈ پریشر کے درمیان تعلق پر روشنی ڈالی گئی تھی۔
محققین نے بتایا کہ والدین، شریک حیات، بہنوں، بھائیوں اور اولاد سمیت دیگر افراد سے ہمارا تعلق روزمرہ کے تناؤ میں کردار ادا کرتا ہے اور تناؤ ہماری صحت پر اثرانداز ہوتا ہے۔
اس تحقیق میں 4 ہزار سے زائد افراد کو شامل کیا گیا اور 3 ہفتے تک سوالنامے بھروائے گئے جبکہ ان کے بلڈ پریشر، دھڑکن کی رفتار اور تناؤ کی جانچ پڑتال کی گئی۔
تحقیق میں دریافت کیا گیا کہ اپنے قریبی افراد کے حوالے سے مثبت سوچ رکھنے والوں کو تناؤ کا سامنا کم ہوتا ہے جس کے نتیجے میں بلڈ پریشر کی سطح گھٹ جاتی ہے جبکہ جسمانی افعال زیادہ بہتر ہوتے ہیں۔
محققین نے بتایا کہ کووڈ 19 کی وبا کے بعد سے لوگوں کے باہمی تعلقات میں تبدیلیاں آئی ہیں اور تناؤ کی شرح بڑھ گئی ہے۔
انہوں نے بتایا کہ ابھی یہ ٹھوس طور پر کہنا ممکن نہیں کہ رشتوں سے جڑے تجربات جسمانی اثرات مرتب کوتے ہیں مگر روزمرہ کے تناؤ اور باہمی رشتوں کے درمیان تعلق معلوم ہوتا ہے، جس سے جسمانی صحت متاثر ہوسکتی ہے۔
اب محققین کی جانب سے تحقیق کو مزید آگے بڑھانے کی منصوبہ بندی کی جا رہی ہے۔
اس تحقیق کے نتائج جرنل Social Psychological and Personality Science میں شائع ہوئے۔
مزید خبریں :
سوئیڈن سگریٹ سے نجات پانے والا دنیا کا پہلا ملک بن گیا
21 نومبر ، 2024
رواں سال سندھ بھر میں ایچ آئی وی ایڈز کے مریضوں میں اضافہ
21 نومبر ، 2024
یورک ایسڈ کو کنٹرول کرنے والے بہترین مشروبات
21 نومبر ، 2024
ذیابیطس ٹائپ 2 جیسا مرض تیزی سے پھیلنے کی اہم وجہ دریافت
20 نومبر ، 2024
وہ عام عادت جس سے ہر عمر میں دماغ کو جوان رکھنے میں مدد ملتی ہے
20 نومبر ، 2024
