05 اپریل ، 2023 
پاکستان
سپریم کورٹ نے گزشتہ روز پنجاب میں 14 مئی کو الیکشن کرانے کا حکم دیا تھا۔ فوٹو فائل
پنجاب اسمبلی کے عام انتخابات کا معاملہ، الیکشن کمیشن کوسپریم کورٹ کافیصلہ موصول
05 اپریل ، 2023
اسلام آباد: الیکشن کمیشن کو پنجاب اسمبلی کے انتخابات کے حوالے سے سپریم کورٹ کا فیصلہ موصول ہو گیا۔
ذرائع کے مطابق الیکشن کمیشن کا آج سپریم کورٹ کے فیصلے پر جائزہ لیے جانے کا امکان ہے۔
چیف الیکشن کمشنر سکندر سلطان راجہ دو روز بعد دفتر پہنچ گئے ہیں، طبعیت ناسازی کی وجہ سے چیف الیکشن کمشنر دفتر نہیں آئے تھے۔
ذرائع کا بتانا ہے کہ الیکشن کمیشن کو قانونی ٹیم کی طرف سے فیصلے پر بریفنگ دیے جانے کا امکان ہے۔
یاد رہے کہ سپریم کورٹ نے گزشتہ روز پنجاب میں 14 مئی کو الیکشن کرانے کا حکم دیا تھا۔
