19 اپریل ، 2023 
واٹس ایپ میں چیٹس کو دلچسپ بنانے والا نیا فیچر
19 اپریل ، 2023
واٹس ایپ میں ایموجیز، GIFs، اسٹیکرز اور ری ایکشنز جیسے فیچرز کافی عرصے سے موجود ہیں۔
واٹس ایپ میں نئے ایموجیز کا اضافہ ہوتا رہتا ہے بلکہ صارفین اپنے ایموجی اسٹیکرز خود بھی تیار کر سکتے ہیں۔
مگر اب میٹا کی زیرملکیت میسجنگ ایپ میں انیمیٹڈ ایموجیز کا فیچر متعارف کرایا گیا ہے۔
واٹس ایپ کی اپ ڈیٹس پر نظر رکھنے والی ویب سائٹ WABetaInfo کی رپورٹ کے مطابق یہ فیچر ڈیسک ٹاپ کے بیٹا ورژن میں متعارف کرایا گیا ہے۔
رپورٹ میں بتایا گیا کہ ان انیمیٹڈ ایموجیز کی تیاری کے لیے Lottie نامی فائل فارمیٹ کو استعمال کیا گیا ہے جو موبائل ڈیوائسز کے لیے بہترین سمجھا جاتا ہے۔
اس فائل فارمیٹ سے سستے فونز میں بھی اس فیچر کو استعمال کرنا ممکن ہو سکے گا۔
یہ فیچر ابھی بیٹا ورژن میں موجود ہے تو ابھی یہ کہنا مشکل ہے کہ عام صارفین کے لیے اسے کب تک متعارف کرایا جا سکتا ہے۔
اسی طرح یہ بھی معلوم نہیں کہ ڈیسک ٹاپ سے ہٹ کر فونز پر کب تک اس کی دستیابی ممکن ہوگی۔
اسی طرح کا فیچر واٹس ایپ کی حریف ایپ ٹیلیگرام میں کافی عرصے سے موجود ہے۔
مزید خبریں :
پاکستان کا روور تحقیق کیلئے چینی مشن کیساتھ چاند پر جائےگا
13 نومبر ، 2024
واٹس ایپ چیٹس کے لیے کارآمد فیچر صارفین کو دستیاب
13 نومبر ، 2024
ایپل کا نیا آئی فون ایس ای 4 مارچ میں متعارف کرائے جانے کا امکان
13 نومبر ، 2024
گوگل میپس میں فضائی معیار جاننے میں مددگار نئے فیچر کا اضافہ
13 نومبر ، 2024
یوٹیوب میں ایسی تبدیلی جو ویڈیوز دیکھنے کے تجربے کو بدل دے گی
12 نومبر ، 2024
