25 اپریل ، 2023 
پاکستان
ساس صاحبہ کی آڈیو کل سے چل رہی ہے جس میں وہ کچھ اور کہہ رہی ہیں: وفاقی وزیر داخلہ/ فائل فوٹو
چیف جسٹس ساس کی نہیں قوم کی آواز سنیں: رانا ثنااللہ
25 اپریل ، 2023
فیصل آباد: وفاقی وزیر داخلہ رانا ثنااللہ نے کہا ہےکہ چیف جسٹس ساس کی بجائے قوم کے مطالبے کو سنتے ہوئے ملک میں ایک ساتھ الیکشن کرائیں۔
فیصل آباد کے علاقے کمال پور میں تقریب سے خطاب کرتے ہوئے رانا ثنااللہ نے کہا کہ ساس صاحبہ کی آڈیو کل سے چل رہی ہے جس میں وہ کچھ اور کہہ رہی ہیں۔
انہوں نے کہا کہ چیف جسٹس آف پاکستان اپنی ساس صاحبہ کی نہیں بلکہ قوم کی آواز سنیں ، چیف جسٹس قوم کے مطالبے کو سنتے ہوئے پورے ملک میں ایک ساتھ الیکشن کرائیں۔
