28 اپریل ، 2023 
اداکار شہروز سبزواری کومہنگائی سے متعلق بیان مہنگا پڑ گیا، سوشل میڈیا پر شدید تنقید
28 اپریل ، 2023
شہروز سبزواری کو اپنے ایک انٹرویو کے دوران مہنگائی سے متعلق دیا گیا بیان ہی مہنگا پڑ گیا، اداکار ایک مرتبہ پھر شدید تنقید کی زد میں آگئے۔
اپنے انٹرویو کےدوران اداکار شہروز سبزواری نے کہا تھا کہ مہنگائی ہے تو کیا ہوا، صبر اور قناعت سے اس کا مقابلہ کریں، جس پر سوشل میڈیا صارفین نے انہیں آڑے ہاتھوں لینا شروع کر دیا۔
اداکار کے بیان پر ردعمل دیتے ہوئے سوشل میڈیا صارفین میں سے کسی نے بیان کو بے حسی کی انتہا قرار دیا تو کسی نے کہا شرم کا مقام ہے کہ امیر بیٹھ کر غریبوں کو لیکچر دے رہے ہیں۔
ایک صارف نے کہا کہ مہنگائی کی چکی میں پسے عوام رعایتی آٹے کی آس میں قطار میں لگے جان سے جا رہے ہیں اور شہروز کہتے ہیں کہ صبر کریں۔
ایک سوشل میڈیا صارف کا کہنا تھا کہ شہروز نے کریڈٹ اور ڈیبٹ کارڈ کے بعد رقم ادائیگی کا ایک اور طریقہ متعارف کروا دیا، رقم ادا کرنی ہو تو بس صبر اور شکر کا آپشن کلک کریں۔
مزید خبریں :
سدھو نے کپل شرما شو چھوڑنے کی اصل وجہ 5 سال بعد بتادی
15 نومبر ، 2024
