01 مئی ، 2023 
ملٹی ٹی ٹوئنٹی لیگ کا منصوبہ کرکٹ بورڈز کیلئے ڈراؤنا خواب بن گیا
01 مئی ، 2023
انڈین پریمیئر لیگ (آئی پی ایل) فرنچائزز کی ملٹی ٹی ٹوئنٹی لیگ کا منصوبہ کرکٹ بورڈز کے لیے ڈراؤنا خواب بن گیا۔
غیر ملکی خبرایجنسی کے مطابق آسٹریلین پلیئرز ایجنٹ نیل میکسویل نے ہوشربا انکشافات کیے ہیں۔
خبرایجنسی کے مطابق بھارتی فرنچائز مالکان کا پلیئرز کے لیے ملٹی ٹی 20 لیگز منصوبہ حتمی مراحل میں داخل ہوگیا ہے، منصوبے کے تحت انٹرنیشنل کرکٹرز اپنے ملک کے بجائے بھارتی فرنچائز کے لیےکھیلیں گے، آئی پی ایل کے دس میں سے8 فرنچائز مالکان نے مختلف لیگز میں بھی ٹیمز خریدی ہوئی ہیں۔
نیل میکسویل کا کہنا ہے کہ کچھ کھلاڑیوں کو ملٹی کلبز ڈیل کی آفر ہوئی ہے، اس ڈیل کے بعد کرکٹ کی موجودہ شکل تیزی سے بدل رہی ہے، آسٹریلیا کے کھلاڑی بھی اس ڈیل کا حصہ ہوں گے۔
کرکٹ بورڈز کے لیے ملٹی لیگ منصوبہ درد سربنا ہوا ہے کیونکہ کرکٹ بورڈز ملٹی لیگ معاہدے میں پلیئرز کو ملنے والے پیسے کا مقابلہ کرنے سے قاصر ہیں،کچھ کرکٹ بورڈز نے کھلاڑیوں کے سینٹرل کنٹریکٹ اور میچ فیسز میں اضافہ کر دیا ہے۔
مزید خبریں :
بھارت پاکستان میں ہونیوالے بلائنڈ ٹی ٹوئنٹی ورلڈ کپ سے دستبردار
19 نومبر ، 2024
شاہد اسلم قومی کرکٹ ٹیم کے بیٹنگ کوچ مقرر
19 نومبر ، 2024
