05 مئی ، 2023 
کھیل
محمد نواز تیسرے ون ڈے انگلی پر گیند لگنے کی وجہ سے انجری کا شکار ہوگئے تھے/فوٹوفائل
نیوزی لینڈ کیخلاف چوتھا ون ڈے ، محمد نواز ٹیم کو دستیاب نہیں
05 مئی ، 2023
پاکستان کرکٹ ٹیم کے آل راؤنڈر محمد نواز نیوزی لینڈ کے خلاف چوتھے ون ڈے کیلئے ٹیم کو دستیاب نہیں ہیں۔
پاکستان کرکٹ بورڈ کی جانب سے جاری بیان کے مطابق محمد نواز انجری کی وجہ سے چوتھے ون ڈے کیلئے دستیاب نہیں ہیں۔
خیال رہے کہ محمد نواز تیسرے ون ڈے کے دوران انگلی پر گیند لگنے کی وجہ سے انجری کا شکار ہوگئے تھے جس کے بعد محمد نواز کو ایکسرے کیلئے لے جایا گیا تھا۔
پی سی بی کی جانب سے جاری بیان میں بتایا گیا تھا کہ محمد نواز کی انگلی پر گیند لگنے کے بعد سوجن آئی ہے۔
واضح رہے کہ پاکستان اور نیوزی لینڈ کے درمیان سیریز کا چوتھا ون ڈے آج کراچی میں کھیلا جائے گا، گرین شرٹس کو 5 میچز کی سیریز میں3 صفر کی فیصلہ کن برتری حاصل ہے۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
