08 مئی ، 2023 
پاکستان
فوٹو: فائل
پریکٹس اینڈ پروسیجربل سے متعلق پارلیمانی ریکارڈ تاحال سپریم کورٹ کو فراہم نہیں کیا گیا
08 مئی ، 2023
اسلام آباد: پارلیمنٹ نے سپریم کورٹ پریکٹس اینڈ پروسیجربل سے متعلق ریکارڈ تاحال سپریم کورٹ کو فراہم نہیں کیا۔
سپریم کورٹ میں سپریم کورٹ پریکٹس اینڈ پروسیجر ایکٹ کے خلاف درخواستوں پر سماعت آج دوپہر ساڑھے 12 بجے ہوگی، چیف جسٹس عمر عطابندیال کی سربراہی میں 8 رکنی بینچ کیس کی سماعت کرےگا۔
سپریم کورٹ نےگزشتہ سماعت میں تمام فریقین کو تحریری جوابات جمع کرانے کی ہدایت کی تھی، عدالت نے اٹارنی جنرل سے پارلیمنٹ کی کارروائی اور قائمہ کمیٹیوں کا ریکارڈ بھی طلب کر رکھا ہے۔
ذرائع کے مطابق سپریم کورٹ پریکٹس اینڈ پروسیجربل سے متعلق ریکارڈ تاحال فراہم نہیں کیا گیا، وفاق آج کیس میں سپریم کورٹ کا فل کورٹ بنانےکی استدعا بھی کرےگا۔
