’مجھے جھوٹ بولنے کی ضرورت نہیں‘، عمران خان کا آئی ایس پی آر کے بیان پر رد عمل
09 مئی ، 2023
اسلام آباد: چیئرمین پی ٹی آئی عمران خان نے آئی ایس پی آر کے بیان پر ردعمل دیتے ہوئے کہا کہ انہیں جھوٹ بولنے کی ضرورت نہیں ہے۔
اسلام آباد روانگی سے قبل گفتگو کرتے ہوئے عمران خان نے کہا کہ اس وقت قوم کی سب سے بڑی پارٹی کا سربراہ ہوں اور 50 سال سے قوم مجھے جانتی ہے، مجھے کوئی جھوٹ بولنے کی ضرورت نہیں ہے، یہ میری فوج اور میرا پاکستان ہے۔
انہوں نے کہا کہ کسی کے پاس وارنٹ ہےتو وہ سیدھا میرے پاس وارنٹ لے کر آئے، وارنٹ لےکر آئیں، میرے وکیل ہوں گے اور میں خود ہی جیل جانے کو تیار ہوں۔
سابق وزیراعظم کا کہنا تھا کہ مہربانی کریں کوئی ڈرامہ نہ کریں اور وارنٹ لےکرآئیں، مجھ پرکوئی کیس نہیں، میں ذہنی طورپرگرفتاری کے لیے تیار ہوں، اگرمجھے جیل میں بھیجنا ہے تو جانےکو تیارہوں جب کہ ہوسکتا ہے قوم اتنی زیادہ سڑکوں پرنہ نکلے۔
عمران خان نے مزید کہا کہ جے آئی ٹی کو سبوتاژ کیا گیا اور سی ٹی ڈی کے چارلوگوں نےاپنا بیان تبدیل کیا،پراسیکیوٹر جنرل نے انویسٹی گیٹ کیا اس نےکہا ان کےخلاف کارروائی ہونی چاہیے۔
