عمران خان کو القادر ٹرسٹ کیس میں گرفتار کیا گیا: نیب

اسلام آباد: قومی احتساب بیورو (نیب) نے عمران خان کی گرفتاری پر بیان جاری کردیا۔

نیب کی جانب سے جاری اعلامیے میں کہا گیا ہےکہ عمران خان کے وارنٹ گرفتاری یکم مئی کو جاری ہوئے اور انہیں القادر ٹرسٹ کیس میں گرفتار کیا گیا ہے۔

نیب کا کہنا ہےکہ رینجرز نے عمران خان کو حراست میں نہیں لیا، اسلام آباد میں دفعہ 144 پہلے سے ہی نافذ تھی، وزارت داخلہ کے حکم پر رینجرز وہاں قانون کی عملداری کے لیے موجود تھی۔

نیب نے مزید کہا کہ گرفتاری کا حکم نیب کی جانب سے تھا اور اس پر عمل درآمد بھی نیب نے ہی کیا ہے۔

نیب اعلامیے میں کہا گیا ہےکہ عمران خان پرکرپشن اور کرپٹ پریکٹسز میں ملوث ہونے کا الزام ہے۔

ذرائع کے مطابق نیب نے عمران خان کونیشنل اکاؤنٹیبیلٹی آرڈیننس 1999 کے سکیشن 9 اے کے تحت گرفتار کیا،عمران خان کو نیب نے 34 اے ، 18 ای ، 24 اے کے تحت کارروائی عمل میں لاتے ہوئے گرفتار کیا۔

سابق وزیراعظم عمران خان کو گرفتار کرلیا گیا

چیئرمین پی ٹی آئی عمران خان اسلام آباد ہائیکورٹ میں پیش ہوئے تھے جہاں نیب نے انہیں القادر ٹرسٹ کیس میں گرفتار کیا

سابق وزیراعظم عمران خان کو گرفتار کرلیا گیا

چیئرمین پی ٹی آئی عمران خان اسلام آباد ہائیکورٹ میں پیش ہوئے تھے جہاں نیب نے انہیں القادر ٹرسٹ کیس میں گرفتار کیا