11 مئی ، 2023 
پاکستان
کراچی میں آئندہ تین روز کے دوران موسم گرم اور مرطوب رہے گا: محکمہ موسمیات/ فائل فوٹو
کراچی میں گرمی کا راج، پارہ 40 ڈگری تک پہنچ گیا
11 مئی ، 2023
کراچی کو گرمی نے اپنی لپیٹ میں لے رکھا ہے جہاں پارہ 40 ڈگری تک جا پہنچا ہے۔
محکمہ موسمیات کے مطابق کراچی میں آئندہ تین روز کے دوران موسم گرم اور مرطوب رہےگا، جمعہ کو درجہ حرارت 36 سے38 اور ہفتےکو 35سے37 ڈگری سینٹی گریڈ تک بڑھنے کا امکان ہے جب کہ شہر میں مغرب اور جنوب مغرب سے ہوائیں چل سکتی ہیں۔
محکمہ موسمیات کے مطابق سندھ کے بیشتر مقامات پر ان دنوں موسم گرم اور خشک ہے، وسطی اوربالائی سندھ میں درجہ حرارت 44 یا اس سے زائد ڈگری سینٹی گریڈ تک پہنچ سکتا ہے۔
