’آپ کو دیکھ کرخوشی ہوئی‘، کابینہ کی چیف جسٹس کے عمران کیلئے ریمارکس کی مذمت

وفاقی کابینہ کے اجلاس میں چیف جسٹس عمر عطا بندیال کے عمران خان کیلئے ’آپ کو دیکھ کرخوشی ہوئی‘ سمیت دیگرکلمات کی شدید مذمت کی گئی۔

گزشتہ روز سپریم کورٹ میں پیشی کے موقع پر چیف جسٹس پاکستان جسٹس عمر عطا بندیال نے تحریک انصاف کے چئیرمین عمران خان سے مکالمہ کرتے ہوئے کہا کہ ’ویلکم خان صاحب! آپ کو دیکھ کر خوشی ہوئی۔‘

’ویلکم خان صاحب! آپ کو دیکھ کر خوشی ہوئی‘: چیف جسٹس کا عمران خان سے مکالمہ

بے شک آپ کو مخالفین پسند نہیں لیکن ان کے ساتھ بیٹھ کر سیاسی بات چیت کریں: چیف جسٹس

اعلامیے کے مطابق کابینہ اجلاس میں چیف جسٹس عمر عطا بندیال کے عمران خان کیلئے ’آپ کو دیکھ کرخوشی ہوئی‘ سمیت دیگرکلمات کی شدید مذمت کی گئی ہے۔

اعلامیے میں کہا گیا ہے کہ عدل کی اعلیٰ ترین کرسی پربیٹھے شخص کا یہ کہناعدل کے ماتھے پر شرمناک دھبہ ہے۔

اعلامیے کے مطابق اسلام، مہذب دنیا اور عدالتی فورمزکی تاریخ گواہ ہے یہ طرزعمل منصف کا نہیں ہوسکتا۔