21 مئی ، 2023 
پاکستان
فوٹو: فائل
خیبرپختونخوا: 9، 10 مئی کے پرتشدد احتجاج میں ملوث 800 سے زائد افراد گرفتار
21 مئی ، 2023
خیبرپختونخوا (کے پی) میں 9 اور 10 مئی کے پرتشدد احتجاج سے متعلق دہشت گردی کے 18 مقدمات درج کیے گئے ہیں اور 809 افراد کو گرفتار کیا گیا ہے۔
پولیس رپورٹ کے مطابق دہشت گری کے مقدمات میں نامزد ملزمان میں سابق صوبائی وزرا اور سابق اراکین اسمبلی بھی شامل ہیں۔
پشاور ریجن میں 5، کوہاٹ ریجن میں 4 اور مردان ریجن میں دہشت گری کی 3 ایف آئی آرز درج ہیں۔ پشاور میں 267، مردان میں 216 اور کوہاٹ میں 114 افراد کو گرفتار کیا گیا ہے۔
پولیس حکام کے مطابق ایف آئی آرز میں نامزد تمام صوبائی وزرا اوربیشتر اراکین اسمبلی 9 مئی سے روپوش ہیں۔
