22 مئی ، 2023 
پاکستان
اسلام آباد ہائیکورٹ نے وفاقی پولیس سے دونوں رہنماؤں کی تحویل سے متعلق جواب طلب کرلیا/ فائل فوٹو
اسلام آباد پولیس کا علی محمد اور ملیکہ بخاری سے متعلق لاعلمی کا اظہار
22 مئی ، 2023
اسلام آباد پولیس نے پی ٹی آئی رہنما ملیکہ بخاری اور علی محمد خان سے متعلق لاعلمی کا اظہار کردیا۔
اسلام آباد ہائیکورٹ میں ملیکہ بخاری اور علی محمد خان کی دوبارہ گرفتاری کےخلاف درخواست پرسماعت ہوئی جس میں وفاقی پولیس نے پی ٹی آئی کے دونوں رہنماؤں سے متعلق لاعلمی کا اظہار کردیا۔
دورانِ سماعت وکیل نے کہا کہ دونوں کو اگر اڈیالہ جیل میں رکھا گیا ہے تو ملاقات کا موقع دیا جائےاس پر پولیس نے کہا کہ معلوم نہیں کہ ملیکہ بخاری اورعلی محمد خان کس کی تحویل میں ہیں۔
عدالت نے اسلام آباد پولیس سے دونوں رہنماؤں کی تحویل سے متعلق جواب طلب کرلیا۔
