اڈیالہ جیل میں خواتین کو ہراساں کرنے کا کوئی تصور بھی نہیں کرسکتا: انعم شیخ کا بیان

جیل سے رہائی پانے والی سوشل میڈیا کارکن انعم ندیم شیخ نے کہا ہے کہ اڈیالہ جیل میں خواتین قیدیوں کیلئے نہایت اچھے انتظامات ہیں۔

انعم ندیم شیخ  نے کہا کہ اڈیالہ جیل میں خواتین کو ہراساں کرنے کا کوئی تصور بھی نہیں کرسکتا، جیل میں خود کو انتہائی محفوظ پایا۔

انہوں نے بتایا کہ باہر 24 گھنٹے سکیورٹی ہوتی ہے، جیل میں خواتین کو ہراساں کرنے کی باتیں بے بنیاد ہیں۔

اپنے بیان میں انہوں نے کہا کہ میں اڈیالہ جیل میں قید تھی اس لیے میں صرف اس کے بارے میں بتا سکتی ہوں، باقی جیلوں کے معاملات کیسے ہیں میں اس بارے میں کچھ نہیں کہہ سکتی۔

پر امن احتجاج کرنیوالی خواتین کے ساتھ کبھی اتنا برا سلوک نہیں ہوا: عمران خان

یہ شخص قبل از وقت پردہ چاک کرنے کی آڑ میں ذمہ داری سے فرار کی کوششیں کر رہا ہے، عمران خان کا رانا ثنا کی پریس کانفرنس پر ردعمل

انعم ندیم شیخ 3 ایم پی او کے تحت نظر بند تھیں، انہیں 23 مئی کو اڈیالہ جیل سے رہا کیا گیا تھا۔

واضح رہے کہ چیئرمین عمران خان نے حکومت پر جیلوں میں قید پی ٹی آئی کی خواتین کارکنان کے ساتھ بدسلوکی کا الزام عائد کرتے ہوئے کہا تھا کہ پرامن احتجاج کرنے والی خواتین کے ساتھ کبھی بھی ریاست کی طرف سے اتنا برا سلوک اور ہراساں نہیں کیا گیا جتنا اس فاشسٹ حکومت نے کیا ہے۔

رانا ثنا اللہ کی پریس کانفرنس پر رد عمل دیتے ہوئے عمران خان کا کہنا تھا کہ خواتین پرامن احتجاج کے حق کو استعمال کر رہی تھیں، یہ شخص یقینی طور پر ان خوفناک کہانیوں کو چھپانے کی کوشش کر رہا ہے، یہ کہانیاں عنقریب منظر عام پر آنے والی ہیں۔