پر امن احتجاج کرنیوالی خواتین کے ساتھ کبھی اتنا برا سلوک نہیں ہوا: عمران خان

چیئرمین تحریک انصاف عمران خان کا کہنا ہےکہ اگر جیلوں میں خواتین سے بدسلوکی میں کوئی شک تھا تو سند یافتہ مجرم کی پریس کانفرنس نے دور کردیا۔

ایک بیان میں  رانا ثنا اللہ کی پریس کانفرنس پر  ردعمل دیتے ہوئے چیئرمین پی ٹی آئی عمران خان کا کہنا تھا کہ پُر امن احتجاج کرنے والی خواتین کے ساتھ کبھی بھی ریاست کی طرف سے اتنا برا سلوک اور ہراساں نہیں کیا گیا جتنا اس فاشسٹ حکومت نےکیا ہے۔

ایجنسیوں نے دو طرح کی منصوبہ بندی کی گفتگو پکڑلی، اس پر آج رات عمل ہونا تھا: وزیر داخلہ

گفتگو پی ٹی آئی کے رہنما کے گھر چھاپے سے متعلق ہے اور دوسرا ڈرامہ یہ تھا کہ ریپ کا ڈرامہ رچایا جائے، رانا ثنا کی پریس کانفرنس

عمران خان کا کہنا تھا کہ خواتین پرامن احتجاج کے حق کو استعمال کر رہی تھیں، یہ شخص یقینی طور  پر ان خوفناک کہانیوں کو چھپانے کی کوشش کر رہا ہے، یہ شخص قبل از وقت پردہ چاک کرنے کی آڑ میں ذمہ داری سے فرار کی کوششیں کر رہا ہے، یہ کہانیاں عنقریب منظر عام پر آنے والی ہیں۔