بھارتی پارلیمنٹ کی نئی عمارت کی افتتاحی تقریب میں سورۃ الرحمٰن کی تلاوت، ویڈیو وائرل

بھارتی پارلیمنٹ کی نئی عمارت کی افتتاحی تقریب میں سورۃ الرحمٰن کی تلاوت کی گئی، بھارتی پارلیمنٹ کی تقریب میں قرآن پاک کی تلاوت کی وڈیو وائرل ہو گئی۔

بھارت میں پارلیمنٹ کی نئی عمارت کا افتتاح وزیراعظم نریندر مودی نے کیا، تقریب میں ہندو، عیسائی اور دیگر مذاہب کے نمائندے بھی موجود تھے، اس دوران سورۃ الرحمٰن کی تلاوت کی گئی جسے تمام لوگوں نے خاموشی سے سنا۔

اپوزیشن جماعتوں کے بائیکاٹ کے باوجود مودی نے بھارتی پارلیمنٹ کی نئی عمارت کا افتتاح کر دیا

اپوزیشن جماعتوں کا مؤقف تھا کہ پارلیمنٹ کی عمارت کا افتتاح صدر مملکت کو کرنا چاہیے۔

تقریب میں اسلام، بدھ مت، جین، پارسی، سکھ اور ویدک وغیرہ جیسے مذاہب کے مذہبی رہنماؤں نے دعائیں بھی کیں۔

واضح رہے نئی بھارتی پارلیمنٹ کا افتتاح بھارتی صدر سے کرانے کے بجائے نریندر مودی کے کرنے پر کانگریس سمیت اپوزیشن کی 19 جماعتوں نے تقریب کا بائیکاٹ کیا تھا۔