31 مئی ، 2023 
پاکستان
مسافر اشرف علی نے منشیات سفری بیگ کے اندر موجود سوہن حلوے کے دو ڈبوں میں حلوے کی تہہ کے نیچے مہارت سے چھپا رکھی تھی: اے ایس ایف/ فوٹو جیونیوز
فیصل آباد: سوہن حلوے کی آڑ میں منشیات اسمگلنگ کی کوشش ناکام
31 مئی ، 2023
فیصل آباد: اے ایس ایف نے سوہن حلوے کی آڑ میں منشیات اسمگلنگ کی کوشش ناکام بنادی۔
ترجمان اے ایس ایف کے مطابق ائیرپورٹس سکیورٹی فورس کے عملے نے فیصل آباد ائیر پورٹ پر کارروائی کی جس میں مسافر سے 3.2 کلو گرام آئس ہیرون برآمد ہوئی جو شارجہ اسمگل کی جارہی تھی۔
ترجمان نے بتایا کہ مسافر اشرف علی نے منشیات سفری بیگ کے اندر موجود سوہن حلوے کے دو ڈبوں میں حلوے کی تہہ کے نیچے مہارت سے چھپا رکھی تھی، اے ایس ایف کے عملے نے سامان کی تلاشی کے دوران منشیات برآمد کرلی۔
ترجمان کے مطابق ملزم کو ابتدائی تفتیش کے بعد برآمد شدہ منشیات سمیت مزید قانونی کارروائی کے لیے اے این ایف حکام کے حوالے کر دیا گیا ہے۔
