نصیرالدین شاہ کے سندھی زبان سے متعلق بیان پر منشا پاشا بھی خاموش نہ رہ سکیں

لیجنڈری بھارتی اداکار نصیر الدین شاہ کو سندھی زبان سے متعلق بیان خاصا مہنگا پڑ گیا جہاں اداکار کے بیان پر سوشل میڈیا صارفین نے انہیں آڑے ہاتھوں لیا وہیں اداکارہ منشا پاشا بھی خاموش نہ رہ سکیں۔

حال ہی میں دیے گئے انٹرویو میں نصیر الدین شاہ نے کہا تھا کہ ’سندھی زبان اب پاکستان میں نہیں بولی جاتی ہے‘۔

نصیر الدین شاہ کے انٹرویو کلپ کو ری ٹوئٹ کرتے ہوئے اداکارہ منشا پاشا نے ٹوئٹ کے ذریعے واضح کیا کہ بطور قابل فخر سندھی جو کہ گھر میں سندھی بولتی بھی ہوں، میں اس رائے سے اختلاف کرتی ہوں۔

ویڈیو: نصیر الدین شاہ کا سندھی زبان سے متعلق بیان، سوشل میڈیا صارفین نے آڑے ہاتھوں لے لیا

نصیر الدین شاہ کے بیان پر سوشل میڈیا صارفین نے اس غلط فہمی یا پھر لاعلمی کو بلکل بھی نظرانداز نہیں کیا اور دلچسپ تبصروں کی قطار لگادی

واضح رہے کہ نصیر الدین شاہ کے بیان پر سوشل میڈیا صارفین نے بھی ان کو آڑے ہاتھوں لیا، اداکار کے بیان پر دلچسپ تبصروں اور تنقیدی ردعمل کے ذریعے انہیں شدید تنقید کا سامنا ہے۔